2006 年 1 月 8 日﹔禮拜日﹐天朗氣清﹔個日頭匿埋 咗 幾日卒之肯露返面﹔十零度到唔算乾 … 雖然寒氣逼人但今朝都 踩部 單車去街市買菜。條街市幾近市中心﹐ 啲嘢 又抵買﹐種類又數不勝數。佢一星期全天候開足六日﹐每日由七點零做到晏晝一點左近。由於做 嘢 同住得唔近關係少不免平時一星期淨係可以幫襯一兩次。 要明白一個國家、城市文化 嘅 最好法子就係去逛街市。例如呢條座落 Chalet 區同 Jeanne d’Arc( 聖女貞德 ) 廣場之間 嘅 街市就係個好地方﹗兩排四、五層高磚、石樓襯高大威猛...